राज ठाकरे आणि निवडणुका

>>>>> नाशिकमधे राज ठाकरेंनी प्रचाराचा नारळ फोडला. नेहमीप्रमाणेच त्यांच्या सभेला प्रचंड गर्दी जमली होती. पण निवडणुकीच्या दिवशी ही गर्दी मनसेच्या व्होट बॅंकेमधे परिवर्तित होईल का हाच खरा प्रश्न आहे. सुपरस्टार अमिताभ बच्चनसारख्या ला सतावणारा प्रश्न आज राज ठाकरेंपुढेही उभा आहे. अमिताभ बच्चनच्या चाहत्यांमधे सर्व पक्षांमधील लोकं आहेत. निवडणुकांमधे कॉन्ग्रेसला मत देणारे तसेच भाजपला मत देणारे असे दोन भिन्न प्रवृत्तीचे मतदार हे एकाच अमिताभ बच्चनचे चाहते आहेत. राज ठाकरेंच्या बाबतीतही तोच प्रकार होत आहे. निवडणुकीत कॉन्ग्रेसला मत देणारे आणि भाजपला मत देणारे असे दोन्ही प्रकारचे मतदार हे "मराठी अस्मिता" ह्या मुद्यावर राज ठाकरेंचं म्हणणं उचलून धरतात. पण केवळ "मराठी अस्मिता" हाच एकमेव मुद्दा घेऊन स्वतंत्र राजकीय पक्ष चालवता येत नाही. राजकीय पक्ष म्हणून बस्तान बसवायचे असेल तर राज ठाकरेंना एक व्यापक वैचारिक बैठक निर्माण करावी लागेल. अर्थकारण, धर्मकारण, समाजकारण अशा अनेक पैलूंवर एक consistent भूमिका घ्यावी लागेल. हे सर्व करण्यासाठी लागणारे मनुष्यबळ सध्यातरी मनसेकडे दिसत नाही. अशा परिस्थितीत एक राजकीय पक्ष बनण्याचा अट्टाहास न धरता एक बिगर राजकीय संघटना म्हणून मनसेची स्थापना केली असती तर ते अधिक योग्य ठरले असते...